20. nóvember - 27. nóvember - Tbl 47
Stórhátíð skapandi greina á Húsavík
Hlutirnir gerast á Stéttinni, Hönnunarþingið sem fram fer í október er haldið í annað sinn en nú er áhersla lögð á tónlist og hönnun. Mynd úr safni.
HönnunarÞing er hátíð hönnunar og nýsköpunar sem haldin verður á Húsavík 3.-5. október nk. en þetta er í annað sinn sem hátíðin er haldin á Húsavík. Áherslan í ár er tónlist og margvíslegar birtingarmyndir snertiflata hönnunar og tónlistar.
Á dagskránni verða meðal annars erindi frá prófessor við Listaháskóla Íslands, bátahönnuður, hugarheimur Skálmaldar, ný hljóðtækni, stjórnarmanneskja frá Bang & Olfusen og tónlistaruppákomur.
Hildur Halldórsdóttir, verkefnastjóri SSNE á Húsavík er um þessar mundir á kafi í undirbúningi fyrir hátíðina í samtarfi við Hraðið nýsköpunarmiðstöð.
Tónlist og hönnun
„Í fyrra var áhersla lögð á vöruhönnun en í ár er áherslan á samspil tónlistar, hönnunar og nýsköpunar. Þetta er snýst í raun alltaf um hönnun og nýsköpun en svo kemur alltaf einhver nýr snertiflötur inn á hverju ári og í ár er það tónlist,“ útskýrir Hildur og bætir við að ákveðið hafi verið að halda hátíðina að hausti að þessu sinni.
Lengja heimsóknartímann
„Eftir samtal við Húsavíkurstofu, bæði svona til að vinna með fyrirtækjunum á svæðinu í þeim tilgangi að lengja aðeins í heimsóknatímabilinu á Húsavík og hjá þjónustugeiranum og líka bara til að hafa eitthvað skemmtilegt um að vera á þessum tíma,“ segir Hildur en hátíð sem þessi dregur allaf talsvert af gestum til bæjarins.
„Já við alla vega vonum það, í fyrra voru listaháskólanemar hjá okkur alla vikuna enda er þetta líka til þess gert að sýna hvað Húsavík hefur upp á að bjóða fyrir nemendur í listaháskóla. Þau voru líka ótrúlega ánægð með aðstöðuna í fyrra þessir aðilar frá Listaháskólanum og það eru aftur vöruhönnunarnemendur sem koma í ár, því við erum með svo flott Fab-lab sem þau eru mjög hrifin af,“ segir Hildur og kveðst vera afar stolt af aðstoðunni sem boðið er upp á á Húsavík.
Stolt af aðstöðunni á Húsavík
„Ég veit að við erum búin að segja það svo oft ég og Stefán [verkefnastjóri Hraðsins Nýsköpunarmiðstöðvar Húsavíkur og Fab Lab og jafnframt sambýlismaður Hildar] en það vita það ekki allir hversu skemmtileg þessi aðstaða er og ánægjulegt fyrir okkur að Listaháskólinn kjósi að koma aftur.“
Fjölbreytt dagskrá
Blaðamaður renndi yfir fjölbreytta dagskrá hátíðarinnar og hnaut um að þungarokki er gert hátt undir höfði. Má þar nefna að Guðmundur Oddur Magnússon eða Goddur, prófessor í grafískri hönnun og listamaður mun flytja erindi um myndmál í þungarokki. Goddur starfar sem sjálfstæður hönnuður meðfram kennslu og vinnur mest að hönnun fyrir menningarstofnanir.
Þá mun Snæbjörn Ragnarsson, bassaleikari og textasmiður, fjallar um sagnaheim Skálmaldar, tilurð hans, verkin sjálf og hvernig fleira en sjálf hljómsveitin, tónlistin og textarnir hafa tekið þátt í að móta þetta allt saman. Fyrirlesturinn verður með afslöppuðu sniði og gott rými fyrir spjall og spurningar.
„Já, þetta er svo einstakt myndmál og textagerð sem er verið að vinna með þar og í rauninni heimurinn sem er búinn til í kringum Skálmaldar konseptið,“ segir Hildur.
Það er Hraðið nýsköpunarmiðstöð sem stendur að hátíðinn og gerir það í nafni lista og nýsköpunar á Húsavík. „Hraðið er að draga saman aðila að borðinu, bæði úr stoðumhverfinu og allt þetta skapandi fólk til að búa til þessa gerjun, láta fólk úr ólíkum geirum mætast og Hönnunarþingið er ein af þessum afurðum Hraðsins. Ég kem inn í þetta sem starfsmaður SSNE sem hefur þau markmið að efla nýsköpun, atvinnuþróun og menningu og ég sinni sérstaklega skapandi greinum þannig að þetta lá vel við, fyrir utan það að ég er sérleg áhugamanneskja um þessar greinar,“ segir Hildur að lokum.
Nýjast
-
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum.
