Leikfélag Hörgdæla frumsýnir íslenska söngleikinn Epli og eikur í kvöld
„Það er mikil tilhlökkun fyrir frumsýningunni, eins og alltaf þegar fólk hefur lagt mikið á sig til að setja upp sýningu,“ segir Fanney Valsdóttir formaður Leikfélags Hörgdæla sem í kvöld, fimmtudagkvöldið 27. febrúar frumsýnir leikverkið Epli og eikur eftir Þórunni Guðmundsdóttur. Leikstjóri er Jenný Lára Arnórsdóttir. Sýnt er á Melum í Hörgársveit.
„Við hófum leit að heppilegu leikrit á liðnu hausti og horfðum til þess að það yrði íslenskt, fjörugt og skemmtilegt,“ segir Fanney en ákveðið var að leita í smiðju Hugleiks enda mátti gera ráð fyrir að þar á bæ yrðu þessi skilyrði uppfyllt. „Við lásum fjögur verk og leist mjög vel á þetta leikrit, Epli og eikur og völdum það.“
Ekki sýnt síðan 2007
Töluverð tónlist er í verkinu, en Þórunn skrifaði leikritið og samdi lög og texta. Verkið er skrifað í kringum 2006 og var sett upp hjá Hugleik árið 2007. „Við höfum ekki haft spurnir af því að leikritið hafi verið sýnt aftur annars staðar og kemur eiginlega á óvart því þetta er bráðskemmtilegt leikrit,“ segir Fanney.
Epli og eikur fjallar um óhefðbundin ástarsambönd og glæpsamleg áhugamál nokkurra einstaklinga sem fléttast saman í sprenghlægilegan og flókinn eltingarleik. „Fólk vill gjarnan fara í leikhús, eiga þar góða stund og hlægja hressilega. Epli og eikur býður einmitt upp á það. Við vonum svo sannarlega að fólk hafi gaman af og eru nokkuð viss um að þetta verk muni falla í kramið hjá áhorfendum,“ segir hún.
Ungir leikarar og reynsluboltar á sviðinu
Líkt og venja er taka fjölmargir þátt í að koma sýningu á svið, en leikarar í verkinu eru 12 talsins í 11 hlutverkum. Fanney segir að þar sé á ferð góð blanda ungra leikara sem eru að stíga sín fyrstu skref á sviði í bland við reynslubolta sem áður hafi tekið þátt í uppfærslum Leikfélags Hördæla í gegn um árin.
Frumsýning er í kvöld og verkið verður sýnt nú næstu helgar eða í mars og fram í apríl eins og aðsókn leyfir en Fanney gerir ráð fyrir að einnig verði sýningar í kring um páska.
Nýjast
-
Er eitthvað að mér?
Rúmlega miðaldra kona hefur undanfarið dvalið á suðlægum slóðum í ríki Spánar. Vissulega er megin ástæða þess að þar er oftast betra veður en heima í Hafnarfirði. Kannski ekki komið í 20+ en nálægt því og hlýnar með hverjum deginum. -
Unnið við nýtt deiliskipulag ofan byggðar í Hrísey
Akureyrarbær hefur hafið vinnu við gerð deiliskipulags sem nær yfir svæði ofan byggðar og efstu byggðu lóðir í nyrðri hluta þéttbýlis Hríseyjar. -
Orkey fær úthlutað lóð á Dysnesi Áform um að reisa stærri og öflugri verksmiðju
Orkey ehf. sem framleiðir lífdísil og efnavöru úr úrgangi hefur hug á að flytja starfsemi sína á Dysnes og byggja þar umtalsvert stærri verksmiðju en félagið hefur rekið á Akureyri undanfarin ár. Stjórn Hafnasamlags Norðurlands hefur samþykkt að úthluta Orkey lóð á Dysnesi og fyrirhugað er að ganga til viðræðna við fyrirtækið um uppbyggingu á svæðinu sem HN fagnar mjög. -
Leikfélag Hörgdæla frumsýnir íslenska söngleikinn Epli og eikur í kvöld
„Það er mikil tilhlökkun fyrir frumsýningunni, eins og alltaf þegar fólk hefur lagt mikið á sig til að setja upp sýningu,“ segir Fanney Valsdóttir formaður Leikfélags Hörgdæla sem í kvöld, fimmtudagkvöldið 27. febrúar frumsýnir leikverkið Epli og eikur eftir Þórunni Guðmundsdóttur. Leikstjóri er Jenný Lára Arnórsdóttir. Sýnt er á Melum í Hörgársveit. -
FERMINGARSÝNINGIN 2025 kynningarsýning á öllu tengdu fermingarveislunni á Múlabergi n.k. sunnudag
Vorið nálgast og það gera fermingar sömuleiðis og því fer hver að verða síðastur að skipuleggja sína einstöku fermingarveislu. Tilefnið er stórt og því að mörgu að hyggja þegar kemur að undirbúningi. -
Háskólinn á Akureyri Nýsköpunarverðlaun forseta Íslands - stúdent við skólann tilnefndur
Sigrún Emelía Karlsdóttir, stúdent í líftækni við skólann, var í janúar síðastliðnum tilnefnd til Nýsköpunarverðlauna forseta Íslands. Hennar verkefni var eitt af sex sem voru tilnefnd. Verkefnið ber heitið „One man's trash is another man's treasure“ og vann hún það í samstarfi við Liam F O M Adams O´Malley, nemanda í búvísindum við Landbúnaðarháskólann, undir leiðsögn Hreins Óskarssonar hjá Land og skógur. Verkefnið er styrkt af Nýsköpunarsjóði námsmanna. -
Nýtt- Mikil svifryksmengun við helstu umferðaræðar
Svifryksmengun mælist nú langt yfir heilsuverndarmörkum en unnið er að því að rykbinda og vonast til að ástandið lagist þegar líður á daginn. -
Tjaldsvæðisreitur - Frestur til að skila ábendingum að renna út
Frestur til að koma ábendingum á framfæri um drög á deiliskipulagi fyrir Tjaldsvæðisreitinn við Þórunnarstræti er til 27. febrúar 2025, þetta kemur fram á akureyri.is -
Bandarískur kafbátur í þjónustuheimsókn á Eyjafirði
Kjarnorkuknúinn bandarískur kafbátur, USS Delaware, verður í stuttri þjónustuheimsókn í íslensku landhelginni í dag. Varðskipið Freyja fylgir kafbátnum um landhelgina og í utanverðan Eyjafjörð, þar sem fram fara áhafnaskipti og önnur þjónusta við kafbátinn. USS Delaware er orrustukafbátur af Virginia-gerð og slíkir kafbátar bera ekki kjarnavopn.
