27. nóvember - 4. desember - Tbl 48
Barnabókahátíð í Hofi
Barnabókahátíð fer fram í Hofi miðvikudaginn 18. og fimmtudaginn 19. maí.
Rithöfundurinn Bjarni Fritzson verður með ritlistarsmiðju klukkan 17 á miðvikudeginum þar sem hann kennirþátttakendum galdurinn á bak við að skrifa fyndna, spennandi og skemmtilega metsölubók. Bjarni mun fara skref fyrir skref yfir ritferlið sem hann fer í gegnum þegar hann skrifar Orra óstöðvandi bækurnar sínar en hann hefur hlotið Bókaverðlaun barnanna síðastliðin tvö ár. Ritlistarsmiðjan er fyrir alla krakka á aldrinum 10-12 ára. Skráning fer fram á mak.is
Sama dag klukkan 18 er komið að ritlistarsmiðju Gunnars Helgasonar. Gunni ætlar að segja frá leyndarmálunum sínum og kenna krökkum að búa til sín eigin meistarverk. Áherslan er á Mömmu klikk! Draumaþjófinn og nokkrar Pixar- og Disneymyndir. Ritlistarsmiðjan er fyrir alla krakka á aldrinum 10-16 ára. Skráning fer fram á mak.is
Á fimmtudeginum verður sannkallaður höfundahasar þegar barnabókahöfundarnir Bjarni Fritzson, Brynhildur Þórarinsdóttir og Gunnar Helgason lesa úr eigin verkum. Rán Flygenring, barnabókahöfundur og myndskreytir, snarteiknar á staðnum eins og henni einni er lagið. Áhugasamir geta prófað í lok viðburðar að snarteikna með hjálp Ránar. Vinningshafi Upphátt, upplestrarkeppni grunnskólanna á Akureyri, Snjóki M. Gunnarsson frá Oddeyrarskóla, kemur einnig fram. Viðburðurinn hefst klukkan 16.30 og fer fram í Hömrum. Öll velkomin.
Hátíðin er samastarfsverkefni Menningarhússins Hofs, Barnabókaseturs Íslands, Giljaskóla og Naustaskóla og er styrkt af Upbyggingarsjóði SSNE og Akureyrarbæ.
Nýjast
-
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00.
