Vikublaðið Þeyr | Grundarfjörður | Snæfellsnes

Upplýsingavefur dómsmála-ráðuneytisins um sveitarstjórnarkosningarnar 29. maí næstkomandi hefur verið opnaður. Á vefnum, sem hefur slóðina www.kosning.is, eins og við aðrar kosningar, er að finna fróðleik og hagnýtar upplýsingar er lúta að framkvæmd kosninganna.  Á vefnum eru upplýsingar fyrir kjósendur, til dæmis um kosningarrétt, kjörgengi og utankjörfundaratkvæðagreiðslu. Einnig eru þar leiðbeiningar til frambjóðenda, til dæmis um frágang framboðslista, og til kjörstjórna og sveitarstjórna. Framboðslistar verða settir inn á vefinn jafnóðum og upplýsingar berast ráðuneytinu frá kjörstjórnum.

Föstudaginn 26. mars. sl. fór fram úthlutun styrkja Menningarráðs Vesturlands fyrir árið 2010 við athöfn í Átthagastofu Snæfellsbæjar. Verkefnin í ár sem hljóta styrki eru 81 að tölu og úthlutað var 30,3 milljónum króna. Þetta er í fimmta skipti sem ráðið úthlutar styrkjum. Framlög til menningarrráðs frá ríkinu nemur 25 milljónum króna á þessu ári og munu sveitarfélög á Vesturlandi einnig leggja til rekstrarframlög á móti úthlutuðum styrkjum.

Fimm félög/einstaklingar í Grundarfirði hlutu styrki frá ráðinu.

Jón Bjarnason sjávarútvegs- og landbúnaðarráðherra gaf fyrir páska út reglugerð um stjórn makrílveiða íslenskra skipa 2010. Í tilkynningu frá ráðuneytinu er tekið skýrt fram að ekki hefur náðst samkomulag við önnur strandríki um fyrirkomulag eða leyfilegt heildarmagn makrílveiða og verða því leyfi til veiðanna einungis gefin út fyrir yfirstandandi ár. Áhersla er lögð á að ekki megi reikna með að veiðarnar í ár skapi grunn að veiðirétti í framtíðinni eða að framtíðarfyrirkomulagi veiða að öðru leyti. Reglugerðin kveður á um, að miðað verði við að ráðherra geti stöðvað makrílveiðar, þegar náð hefur verið 130 þúsund lesta afla. Þessum viðmiðunarafla verður ráðstafað til skipa með þrennskonar hætti:

Nú er hörð keppni framundan þar sem ekki eru eftir nema 4 umferðir í 1. deild þar sem Sæstjarnan leiðir deildina. Og í 2. deild eru aðeins eftir 2 umferðir og leiðir Silla deildina með Gunna í aftanídgragi. Nú hvað um það ég er ekki ánægður með hvað hóparnir eru orðnir kærulausir og skila ekki inn seðli, það gerðist nú um helgina að 3 hópar skiluðu ekki inn seðli. Þetta getur breytt úrslitum hver vinnur þegar svona fáar umferðir eru eftir. Það er ekki mjög skemmtilegt er hópar eru að fá stig fyrir ekki neitt því mótherjinn skilaði ekki inn seðli.